Análise da situación sociolingüística do concello de Arzúa

Abstract

[Resumo] O concello de Arzúa, situado no centro da Galiza e con pouco máis de 6000 habitantes, presenta, a simple vista, unha situación favorábel ao galego; con todo, nos últimos anos o descenso no número de falantes tamén se fixo notar neste concello. O obxectivo principal deste traballo é analizar a situación sociolingüística do concello de Arzúa, prestando atención aos usos lingüísticos e ás actitudes dos e das falantes cara á lingua. As metodoloxías empregadas para tales propósitos foron a análise de tipo cuantitativo, que se realizou a través de inquéritos, e a análise de tipo cualitativo, para a que se organizou un foro de debate por internet en que participaron 20 persoas de Arzúa, nacidas ou residentes no concello. O traballo, dividido en dúas partes principais, dános información sobre os usos lingüísticos no concello, con especial atención á lingua habitual, que será analizada segundo diferentes criterios (idade, lugar de nacemento, ámbitos de uso...). No ámbito do comercio, analizarase a lingua respecto ás relacións coa clientela e a promoción do estabelecemento de cara ao público. Alén disto, o foro forneceranos información sobre as actitudes e as ideas que as e os falantes teñen sobre a súa lingua, sobre o futuro e sobre a importancia desta. Após a análise, constátase que, efectivamente, o concello presenta unha situación lingüística favorábel ao galego: máis de 80% da poboación ten o galego como a súa lingua habitual. Con todo, esta porcentaxe, que semella moi satisfactoria para a saúde da lingua, esconde un dobre panorama: as persoas adultas conservan o galego como lingua habitual, mais a metade das crianzas arzuás xa teñen o castelán como tal. Entre as principais causas, as e os arzuáns consideran a ruptura da transmisión interxeracional, os prexuízos aínda vigorantes na sociedade ou a pouca presenza que o galego ten nos medios. En xeral, a actitude dos arzuáns e arzuás galegofalantes cara á súa lingua é moi positiva.

[Abstract] Arzúa’s municipality, located in Galiza’s centre and with around 6000 residents, presents a favourable situation for the Galician language. However, in the latest years, the general descent in the number of speakers has become noticeable as well. The main objective of this paper is to analyse the sociolinguistic situation of Arzua’s municipality, paying attention to the linguistic uses and the attitudes of Galician speakers according to the language. The methodologies that I used for this purpose were quantitative analysis, that was carried out with questionnaires, and qualitative analysis, for which I organized a debate forum on the Internet in which 20 people from Arzúa, born or resident in the municipality, participated. This paper, divided in two principal parts, gives us information about the linguistic uses of the Galician language in the area of Arzúa, paying special attention on the usual language, that will be analysed according to different guidelines (age, birthplace, areas of use…). On the commercial sector, the language will be analysed according to the relations with the customers and the establishment promotion regarding the public. Moreover, the forum will give us information about the attitudes and ideas that the speakers have about their language and about its future and its importance. After the analysis, I can verify that, in fact, Arzúa’s area presents a favourable linguistic situation with the Galician language: over 80% of the population uses the Galician as their habitual language. However, this percentage, that seems very satisfactory for the language health, hides a double outlook: the adults preserve the Galician as their habitual language, but half of Arzúa’s children already use the Spanish as their habitual language. Between the main causes, the citizens consider the interruption of the intergenerational transmission, the prejudices that are still alive among the society and the little presence of the Galician language in the media. In general, the attitude of Arzúa’s citizens is very positive