Mulleres de tinta e papel A situación problemática da autoría feminina na Galiza do século XIX

Abstract

[Resumo] Neste traballo preséntase unha análise sobre a situación das mulleres escritoras no século XIX. Trátase dunha viaxe desde un punto de vista xeral, é dicir, desde a autoría feminina universal até unha realidade máis concreta: a autoría feminina na Galiza oitocentista. Concretamente, estudarase a realidade das escritoras galegas e en galego deste século, tendo en conta o contexto social, político e lingüístico, así como as súas circunstancias. Para alén disto, tomarase como referencia principal a Rosalía de Castro, por representar a través das súas obras un discurso que hoxe podemos cualificar como feminista e galeguista.