Plataforma Loxística en Begonte

Abstract

[Resumo:] O presente proxecto ten como obxecto o deseño dunha Plataforma Loxística na localidade de Baamonde, municipio de Begonte (Lugo) aproveitando as excelentes comunicacións debidas ao cruce das autovías A-6 e A-8 e a estrada nacional N-634. A actuación levarase a cabo en terreos públicos, cuxa titularidade deriva de proxectos anteriores. O concello de Begonte ten unha ubicación idónea para a instalación dunha plataforma loxística que poida servir de nó para as comarcas do nordeste de Galicia. A súa situación de Baamonde como nexo de vías de alta capacidade danlle unhas conexións extraordinarias, tanto a nivel intracomunitario como a nivel nacional. Está relativamente próxima aos principais núcleos de poboación da zona (Lugo, A Coruña, Ferrol e Santiago) así como aos portos estatais de A Coruña e Ferrol e os comunitarios de Cariño, Celeiro, Burela e Ribadeo, líderes en tráfico de mercadorías dos xestionados por Portos de Galicia. Esta potencialidade resultou en diversos proxectos, con unha gran importancia da loxística. Dar saída á inversión realizada na compra dos terreos e as comunicacións son as principais xustificacións para a construción da plataforma. Non obstante, dado o escaso carácter industrial da zona, optouse por un deseño austero, sen ocupar a totalidade dos terreos dispoñibles, no que se buscará facilitar a expansión de ser necesaria. A plataforma deseñouse seguindo os criterios do Plan Sectorial de Ordenación de Áreas Empresariais de Galicia (PSOAEG) do ano 2014, redactado polo Instituto Galego de Vivenda e Solo (IGVS). Contará con 120.000 m² de solo edificable repartido en 48 parcelas, 1 parcela de equipamentos sociais de 10.000 m², un Centro de Servicios ao Transportista de 34000 m² con aparcamento para camións de 216 prazas e zona de servicios, e zonas verdes.