Deseño e implementación dun emulador de fontes de corrente continua a partir dun convertedor DC/DC

Abstract

O presente traballo fin de grao ten por obxecto o deseño e a implementación dun emulador de fontes de corrente continua. O emulador que se presenta que permitirá xerar, por exemplo, a curva característica dunha batería de Litio-Ion ou dun panel fotovoltaico; orientados a instalacións de enerxía baseadas en fontes renovables, control de máquinas eléctricas orientadas a tracción mecánica, etc. De forma que se poidan probar os diferentes elementos que se conectan ás fontes de continua que se pretenden emular. Isto permite realizar probas sobre os diferentes elementos que se conectan a este tipo de fontes sen a necesidade de dispoñer de custosos equipos de probas, como por exemplo grandes bancos de baterías ou instalacións de paneis fotovoltaicos, e afórrase o tempo necesario para o seu acondicionamento. O seu deseño basearase nun convertedor de corrente continua a corrente continua que traballará segundo un modelo simplificado da fonte desexada, podendo simular, por exemplo, baterías de Litio-Ion con diferentes estados de carga ou un panel fotovoltaico en función do índice de radiación que incida sobre este. Co fin de emular a curva característica dos diferentes dispositivos controlase a tensión e a corrente de saída dun convertedor de corrente continua a corrente continua. Tratará principalmente a emulación das baterías de Li-Ion que se empregan nos vehículos eléctricos. Para iso, empréganse un conxunto de datos sobre este tipo de baterías para realizar o modelo e así poder obter a curva de emulación.