Análise cualitativa da situación sociolingüística do galego entre o estudantado da Universidade da Coruña

Abstract

[Resumo]Este estudo pretende en todo momento coñecer a situación da lingua galega de xeito cualitativo dentro da Universidade da Coruña, especialmente no relacinado co estudantado e as súas actitudes e opinións sobre o idioma. Unha vez analizado isto, tamén pretendemos comparar a situación co regulamento e normativa existente sobre a lingua. Para lograr estes obxectivos, analizamos a situación legal do galego en diferentes niveis e a aplicación que se fai desta normativa dentro da institución. A seguir, fixéronse dous grupos de debate conformados por alumnos e alumnas da UDC. Neles foron tratados diversos temas relacionados co idioma do país de xeito que fosen argumentados e rebatidos por cada un dos debatentes. As conclusións sobre os discursos expostos, comparáronse cos resultados da obra de Iglesias Alvarez Falar galego:"no veo por que" e O galego segundo a mocidade, de González González, para comprobarmos se a situación mudou doce anos despois da publicación desta obra. O corpo do traballo, formado polos debates, xunto coa análise da situación normativa e seguida pola comparación das obras mencionadas, danos un panorama bastante axeitado para saber cal é a situación da lingua na Universidade da Coruña actualmente.