A gama cromática en galego: análise semántica e sociolóxica

Abstract

[Resumo]A visión de Ana Wierzbicka e outros lingüistas próximos ao relativismo defenden que non todas as linguas teñen unha palabra para o concepto ‘cor’ polo que é discutíbel que poidan ter termos de cor. O galego non é unha desas linguas, de forma que pode entrar a se valorar dentro esquema pretendidamente universal de Brent Berlin e Paul Kay. A partir do noso traballo de campo descubrimos que a nosa lingua ten, cando menos, 9 termos de cores básicas. As outras dúas cores do sistema universalista (laranxa e violeta) son sistemáticas na xente nova mais só se rexistran nunha porción das persoas vellas, e nunca nas dúas mulleres ou dous homes máis anciáns polo que a aparición destes termos no vocabulario do galegofalante medio parece ter unha datación bastante concreta.