Os hapax como problema e como solución. Sobre a cantiga 493/18,11 [B 495/V 78] de Afonso X

Abstract

[Resumo]Aproximación crítica ao problema dos hapax no corpus da lírica profana galego-portuguesa, con revisión de varias formas (problemáticas) que agora se revelan erradas após a relectura crítica dos manuscritos e unha nova proposta editorial. O estudo conclúe cunha nova edición crítica da cantiga “Dominga Eanes ouve sa baralha” de Alfonso X, con solución editorial dos problemas levantados historicamente neste texto e coa aparición dun inédito hapax (o provenzalismo “veite”), certamente confirmado pola lectura fiel dos apógrafos italianos, que revelan tamén o seu uso nunha cantiga de Fernand’Esquio.