As fiindas nas cantigas de amor do Cancioneiro da Ajuda

Abstract

[Resumo]O presente traballo está orientado cara ao estudo das fiindas, conxunto de versos de carácter breve propio da lírica galego-portuguesa que, colocados no final das cantigas, conclúen, en xeral, o pensamento do trobador. O noso obxectivo principal é presentarmos e definirmos os principios formais destas estruturas literarias para os confrontar posteriormente coa práctica real dos trobabores mediante a posta en práctica dos coñecementos adquiridos específicamente nas materias de Literatura Galega, Historia da Lingua Galega e portuguesa, Literatura galega medieval galego-portuguesa e más Edición e Comentario dos textos galegos e portugueses. Para levarmos ao cabo este proxecto, delimtamos o corpus medieval profano e seleccionamos as cantigas con fiinda pertencentes ao xénero de amor e, dentro destas, escollemos só aquelas que se recollen no Cancioneiro da Ajuda.