Edición e historia da lingua: Sobre a representación da nasalidade no trobadorismo profano galego-portugués e as formas “irmana” e afins

Abstract

[Resumo] A partir do estudo sistemático da representación da nasalidade nos textos do trobadorismo profano galego portugués, compróbase a existencia certa de anomalías gráficas, que se revelan fonolóxicas nas formas con anómala conservación de -n- intervocálico (irmana, Granada, arena, avelaneira, louçano etc.). Tales formas só se rexistran no xénero máis tradicional do trobadorismo galego-portugués, a cantiga de amigo, onde funcionan como ornato retórico de teor arcaizante.