O teatro durante o réxime franquista e o Estado Novo: Estudo de casos da censura ditatorial na Galiza e en Portugal

Abstract

[Resumo] O presente traballo ten por obxectivo contrastar a forma en que a censura afectou o teatro galego durante o franquismo e o teatro portugués durante o Estado Novo para tirar as semellanzas e as diferenzas entre as formas en que os dous ámbitos teatrais foron afectados por este proceso opresor. No primeiro capítulo contextualízase a instauración da censura franquista e da censura do Estado Novo a través de fontes bibliográficas de carácter lexislativo e histórico, explicando o impacto que tiveron no ámbito teatral galego e portugués e achegando algúns dos exemplos máis relevantes de cada cultura. O segundo capítulo é un estudo de casos centrado na Galiza cuxa primeira sección expón como a censura afectou á obra O incerto señor don Hamlet, príncipe de Dinamarca de Álvaro Cunqueiro, continuando na segunda metade cunha visión global do impacto do Teatro Circo como grupo de teatro independente no teatro galego. De maneira similar, o estudo de casos do terceiro capítulo céntrase na obra O Judeu de Bernardo Santareno e na presenza de Fiama Hasse Pais Brandão no ámbito teatral. Por último, após reproduciren a idea principal de cada capítulo, as conclusións estabelecen unha comparación entre os efectos censores no teatro galego e no portugués a través dos casos analizados no traballo.