Processos de canonizaçom e margens sistémicas no sistema literário galego: estudo comparativo das trajetórias de Teresa Moure e Susana Sanches Arins

Abstract

[Resumo] Este trabalho pretende identificar e analisar os processos de canonizaçom operantes nas margens reintegracionistas do sistema literário galego, através do estudo comparativo das trajetórias de duas agentes do mesmo: umha autora que, trás atingir certo grau de consagraçom no centro sistémico, transita para o subsistema reintegracionista (Teresa Moure) e outra que participa apenas desse subsistema ao longo de toda a sua trajetória (Susana Sanches Arins). Para isto, som demarcados os seguintes objetivos: a precisom dos estados sucessivos do campo literário em que as agentes desenvolvem a sua trajetória, as tomadas de posiçom efetuadas polas agentes, assim como qualquer outra mostra do seu nível de consagraçom (repertórios atualizados, campos em que participam, prémios literários ganhados, etc.). Esta proposta combina a metodologia sociológica com o estudo de caso demonstra a influência dos processos de atribuiçom de valor centrais na periferia reintegracionista do SLG.