Do manuscrito á edición: consideracións sobre a segmentación textual na poesía profana galego-portuguesa

Abstract

[Resumo] Neste traballo realízase un estudo da segmentación textual das cadeas gráficas na lírica profana galego-portuguesa con relación á fixación crítica dos textos poéticos. A partir desta revisión, estabelécense novas lecturas de numerosas pasaxes a través de segmentacións textuais alternativas ás tradicionais, tendo en conta, entre outros factores, novas posibilidades de puntuación e de segmentación de elementos como <o>, <a> e <e>. Deste modo, son propostas novas lecturas críticas que corrixen, melloran e/ou anulan outras lecturas anteriores, na procura dun texto crítico máis apurado para o corpus das cantigas galego-portuguesas.