Sobre a partícula “ca” no corpus da lírica profana galego-portuguesa: integridade formal vs. elisión

Abstract

[Resumo]A partir da teoría expresada por Cunha nos seus traballos de carácter métrico sobre a imposibilidade de elisión (e/ou sinalefa) na conxunción multifuncional “ca” (e tamén “que” e “se”) na lírica profana galego-portuguesa, son estudados aqueles casos en que na vulgata trobadoresca (conforme a edición dirixida por Mercedes Brea en 1996) aparecen supostas crases desa conxunción. A pesar dalgúns problemas ecdóticos levantados pola tradición manuscrita, a revisión de todos os casos vai demostrar a fundamental validade da teoría de Cunha, porque existen elementos que permiten unha solución ecdótica diferente á tradicional.