Os anos en Cuba de Manuel Lugrís Freire.

Abstract

[Resumo] Este artigo examina a estadía en Cuba do escritor Manuel Lugrís Freire (1883-1896). Nestes anos, o autor senta as bases da súa obra literaria (poética, narrativa e dramática) e desenvolve unha relevante actividade cultural e organizativa no seo da comunidade galega: escribe A costureira d'aldea (1883) –obra dramática que chegou a ensaiarse mais non se representou–; publica a narración O penedo d’o crime. Lenda d’as Mariñas (1884); cofunda, con Ramón Armada Teixeiro, a publicación periódica en lingua galega A gaita gallega (1885) e edita o poemario Soidades (1894). A defensa da lingua e da identidade colectiva caracterizan a produción desta etapa cubana, en que se van asentar os principios da personalidade do escritor.