Mulleres e teatro

Abstract

[Resumo] Este traballo analiza o papel das mulleres na historia do teatro galego até 1936. Ábrese coa descoñecida “Tía Falcona” que protagonizou a peza representada en Allariz (Ourense) á que foi convidado o Tío Marcos da Portela, en 1877, e cérrase coas actrices Maruxa Villanueva, Maruxa Boga e Eva Carreras que integraban o elenco semiprofesional que estreou, en 1941, Os vellos non deben de namorarse, de Castelao. Actrices, coristas, costureiras e, en menor medida, dramaturgas e tradutoras asoman neste artigo para constatarmos o pouco que sabemos delas.