Foco ao coñecemento=Fokus to knowledge

Abstract

[Resumen] Neste proxecto recollese a transformación do histórico Mosteiro Mekhitarista de Viena nun espazo contemporáneo de coñecemento, cultura e convivencia. Situado no distrito de Neubau, o edificio —construído en 1836 e ampliado en 1874— é un símbolo da cultura armenia en Europa, con funcións relixiosas, produtivas e culturais. A intervención propón rehabilitar a á norte do mosteiro e ampliar o museo existente, integrando unha torre de 46 metros como novo fito urbano. Esta torre, revestida cun tapiz cerámico, conecta a biblioteca e o museo coa nova zona interxeracional, que inclúe salas de lectura, espazos infantís e áreas de traballo comunitario. O deseño busca abrir o mosteiro á cidade, converténdoo nun “claustro completo” con entrada principal desde o parque Weghuberpark. O proxecto cumpre coas normativas urbanísticas e técnicas de Viena e do Código Técnico da Edificación (CTE), abordando aspectos como accesibilidade, eficiencia enerxética, protección contra incendios e sustentabilidade. A estrutura metálica e a cimentación con micropilotes garanten estabilidade e integración co edificio existente. A climatización e ventilación están conectadas á rede urbana de calor e frío, e o edificio obtén unha cualificación enerxética A.