Os camiños á Idade Media na poesía de Uxío Novoneyra

Abstract

[Resumo] O artigo revisa a relación de Uxío Novoneyra coa poesía profana galego-portuguesa, desde a súa actividade como difusor do patrimonio lírico medieval en numerosos recitais até a pegada que deixaron trobadores e cantigas na súa produción poética. O traballo detense na análise da poesía do autor do Courel para pór manifesto as diferentes actualizacións do legado medieval presentes no conxunto da súa obra: os poemas no ronsel do (neo)trobadorismo e/ou da poesía (neo)cancioneiril, o diálogo cos trobadores, a reformulación de xéneros trobadorescos –singularmente o cancioneiro de escarnio– ou a moi persoal reelaboración de cantigas concretas de Joan Aires e Airas Nunes.