A lingua literaria decimonónica (II): aspectos gráfico-fónicos e morfosintácticos

Abstract

[Resumo] Este texto revisa a través de numerosos testemuños gráficos os aspectos máis relevantes do sistema ortográfico, a representación das características fónicas do vocalismo e o consonantismo e os seus trazos morfosintácticos fundamentais da lingua galega na literatura decimonónica. Esta revisión conclúe a existencia dunha controversia entre a representación ortográfica etimolóxica ou antietimolóxica, ao tempo que constata unha tendencia a representar alteracións fónicas con un afán diferencialista do castelán e de representación da fala máis rústica e, no plano morfosintáctico, mostra a convivencia de dúas tendencias: a preservación das construcións máis propias e a presenza crecente de interferencias do castelán.