Aproveitamento da lingua medieval na época das Irmandades da Fala

Abstract

[Resumo] Neste artigo preténdese levar a cabo unha aproximación ao aproveitamento da lingua medieval que se fixo na época das Irmandades da Fala, tanto no discurso elaborado por escritores e escritoras deste período como na presenza de arcaísmos provenientes da etapa medieval. Precisamente, é no primeiro cuartel do século xx cando comezan a eclosionar este tipo de desvíos coa finalidade de imprimir nos textos un carácter enxebre e diferencialista a respecto do español e de avalar o pasado esplendoroso do galego asociándoo a unha lingua de reis e trobadores.