Ramón Otero Pedrayo: a construción nacional desde o xornalismo

Abstract

[Resumo] Neste capítulo estúdase por primeira vez, de forma monográfica, a obra xornalística de Ramón Otero Pedrayo, até aquí analizada de modo fragmentario (edicións parciais) ou superficial (apenas estudada no conxunto da interpretación global da súa obra literaria). No traballo descríbese a traxectoria do autor nos medios de comunicación e elabórase unha caracterización xeral da súa produción neste campo. Finalmente, ponse en relación o seu labor xornalístico co resto da súa obra literaria e evidénciase a profunda intertextualidade xenérica dos textos deste autor.