Narrativa e construción de identidade: Os camiños da vida de Ramón Otero Pedrayo

Abstract

[Resumo] Este texto analiza como a obra Os camiños da vida de Ramón Otero Pedrayo constrúe un discurso de afirmación da identidade nacional galega, por vía da presentación da Galiza en pé de igualdade con outras nacións europeas. Esta proposta, típica das elites intelectuais da altura, caracterízase por un discurso orientado á creación e consolidación de referentes simbólicos considerados imprescindíbeis para asentar a idea de nación. Neste sentido, Pedrayo constrúe na súa narrativa unha Europa das nacións sen estado como referente de afirmación para a Galiza, en oposición ao referente español.