A formación a distancia do profesorado na comunidade galega

Abstract

[Resumo] A Dirección Xeral de Ordenación Educativa da Consellería de Educación na Comunidade Galega inicia, durante o curso académico 1995/96, a implantación dun proxecto para a formación a distancia do profesorado nos niveis non universitarios que é pionero no contexto referencial do Estado Español no que respecta ó catálogo de accións formativas institucionalizadas e que presenta implicacións significativas de tipo funcional para a articulación da formación do profesorado en exercicio. Os esquemas vertebradores da proposta enraízan en modelos de formación alternativa implantados, experimentados e avaliados en diversos marcos referenciais de formación continuada para docentes na Comunidade Europea. A pesares de que esta iniciativa plantexa novas perspectiva para o deseño da formación do profesorado en exercicio tamén evidencianse certos interrogantes proxectados sobre o desenvolvemento e posibilidades do proceso. A continuación faremos unha aproximación descriptiva ó modelo adoptado así como unha serie de reflexións sobre a implantación do programa, enmarcadas na avaliación e optimización do mesmo.