Materiais para unha revisión crítica da segmentación de é no texto das cantigas profanas galego-portuguesas

Abstract

[Resumo] O capítulo trata a cuestión da eventual segmentación do elemento gráfico <e>, interpretábel como conxunción copulativa e ou, alternativamente, como forma verbal é. Esta cuestión adquire unha grande importancia no proceso de segmentación textual das cadeas gráficas manuscritas medievais –e nomeadamente na edición das cantigas galego-portuguesas–, con transcendentes implicacións lingüísticas, literarias e, en definitiva, interpretativas. O texto propón un proceso atento de revisión, estudo e conseguinte reconsideración destes procesos segmentativos nuns textos, como as cantigas, que son tan sensíbeis, por razóns semántico-interpretativas, a esta operación ecdótica.