¿Nas orixes do neotrobadorismo? Notas sobre o "Canto do vigía" de Eduardo Pondal.

Abstract

[Resumo] O artigo analiza o "Canto do vigía", fragmento do poema épico Os Eoas, que Eduardo Pondal deixou inédito á súa morte, considerado por parte da crítica como o primeiro texto poético contemporáneo influído pola lírica trobadoresca galego-portuguesa. No traballo demóstrase que, a pesar da súa vontade arcaizante, o canto pondaliano non é debedor da lírica trobadoresca senón que o diálogo establecido coa tradición literaria ten como referente principal a obra de poetas cronoloxicamente posteriores, singularmente Macías e Luís de Camões.