Espreitando toxicidade e nesgos de xénero contra xornalistas e políticas en Twitter

Abstract

[Resumo] Internet ten ocupado un lugar central nas sociedades contemporáneas. Malia que nos seus inicios a Rede concibiuse como un espazo de igualdade na realidade proxecta as desigualdades e violencias presentes nas sociedades patriarcais. Neste senso o estudo que se presenta pon o foco no sexismo, misoxinia e discurso de odio aos que se enfrontan as mulleres políticas e xornalistas en Twitter. A partir da acoutación do estudo á conversación en torno a vinte perfís de mulleres e vinte de homes equiparables, de diversos ámbitos da política e a comunicación, recuperouse unha mostra de 4.238.803 de tuits entre publicacións dos perfís e interaccións con estes. A análise de contido, e a análise de discurso sobre unha submostra de 770 tuits, reflectiu nesgos de xénero na tuitesfera española. Malia o equilibrio relativo entre mulleres e homes como receptores de insultos e termos odiosos, sinálanse importantes diferencias na forma e orientación destas mensaxes que subliñan a existencia dunha fenda de xénero. Así as mulleres son obxecto de máis ataques indirectos tanto na forma –alusións sen mención do perfil– como no contido –dobres de odio. Proponse unha ferramenta para visibilizar esta toxicidade de cara a unha maior consciencia na participación da conversación en liña.