As motivacións da sintaxe na docencia

Abstract

[Resumo] A sintaxe, disciplina que se podería considerar como o esquelete dunha lingua, permite estudar a estrutura interna desta, ao paso que tamén se centra nas unidades sintácticas e das funcións desempeñadas por elas en unidades como a frase ou a cláusula. O significado clásico do termo “sintaxe”, que quería dicir “orde”, “ordenamento”, “disposición” etc., sen nunca desaparecer completamente, viu acrecentada a súa esfera semántica coa posibilidade de percorrer outros camiños que dan conta da importancia que ten para unha análise profunda do idioma. Así, no momento de transmitirmos ao estudantado os motivos de ser unha disciplina tan importante, podemos incidir en que se ocupa, tamén, e sen ánimo de exhaustividade pola nosa parte, do estudo da orde de elementos e das relacións entre eles, da estruturación interna que presentaren eses elementos e das relacións existentes entre sintaxe descritiva e sintaxe prescritiva.