Sobre un trobador “menor”: Nuno Treez

Abstract

[Resumo] Este traballo é un estudo do cancioneiro de Nuno Treez –probabelmente un xograr de orixe galega–, de quen a tradición manuscrita nos transmitiu unicamente catro composicións pertencentes ao xénero de amigo, todas elas ambientadas en San Clemenço do Mar, que fai referencia á ermida desta advocación situada na Illa do Santo do Mar na costa de Marín. Deste xeito, e para alén da fixación textual das cantigas, este traballo supón un achegamento ao estudo das súas principais singularidades: a actitude da amiga, a abundante presenza de léxico concreto ou, entre outras, a eventual lectura dos textos como un ciclo ou secuencia narrativa.