A formación permanente do profesorado en Galicia: a formación en centros

Abstract

[Resume] A Formación Permanente do Profesorado galego (entendida como apoio continuado ó proceso de desenvolvemento profesional dos docentes) ocupa un lugar central e de máxima actualidade non só para os políticos e administradores, senón para a sociedade educativa en xeral. A Consellería de Educación da Xunta de Galicia redacta no ano 1990 un Plano Galego de Formación Permanente do profesorado cunha vixencia de cinco anos no que se define o marco referencial de actualización, perfeccionamento, especialización e reciclaxe científico e didáctico do profesorado, e publica o Decreto 42/1989 de 23 de febreiro que regula os Centros de Formación Continuada do Profesorado (CEFOCOPs). Todo isto, supuxo un cambio importante na política de Formación Permanente do Profesorado non universitario de Galicia. Esgotado o Plano, a Consellería realiza unha avaliación do mesmo a través de análises descriptivos e explicativos poñendo de manifesto determinadas disfuncións e propoñendo medidas correctoras das mesmas; priorizando para o curso 97/98 a formación nos propios centros a través das modalidades formativas adecuadas (Proxectos de Formación e Asesoramento en centros, Seminarios Permanente e Grupos de Traballo).