Dez anos de Aprendizaxe-Servizo na Universidade da Coruña

Abstract

A publicación deste libro de pósteres que recolle os proxectos de ApS que se levaron a cabo na UDC durante estes 10 anos supón un fito significativo na difusión e o recoñecemento desta metodoloxía na nosa universidade. O volume non é só un compendio visual dos esforzos académicos e sociais, senón tamén unha auténtica homenaxe a todas as persoas que fan posible o éxito destas iniciativas: estudantes, docentes, entidades colaboradoras e demais axentes participantes. Cada póster representa unha experiencia única de aprendizaxe, un proceso en que o coñecemento acadado nas aulas se transforma en acción solidaria e compromiso coa comunidade