A investigación en didáctica das ciencias experimentais e a súa transferencia á sociedade galega

Abstract

[Resumo] Este capítulo realiza unha breve análise da investigación en Didáctica de Ciencias Experimentais (DCE) en Galicia, a súa transferencia ás aulas de ciencias e o seu impacto na sociedade galega. Este campo de estudo busca a mellora dos procesos de ensino e aprendizaxe das ciencias, prestando especial atención ás necesidades da sociedade en materia científica e aos desafíos existentes na aula. A DCE é unha área de coñecemento consolidada nas tres universidades galegas, que emerxe nos anos setenta, e engloba o traballo de distintos grupos de investigación integrados por membros das universidades e profesorado de ciencias en formación e en activo doutros niveis educativos.