Cos ollos dos nenos e nenas: achega á percepción do contorno patrimonial nas aulas de infantil de Galicia

Abstract

Cos ollos dos nenos e nenas, tendo como paradigma a Tonucci (1983), busca reflectir a percepción que o alumnado ten do patrimonio (natural e cultural) que os rodea. Pártase dos postulados e experiencias realizadas e contrastadas que defenden a importancia do ensino do patrimonio nas aulas de infantil, nos que se traballan contidos que, ate non hai moito, estaban reservados á educación primaria. Realizouse un traballo de campo para a recollida de datos en 16 centros educativos distribuídos pola xeografía galega, coa finalidade de recadar a información precisa acerca do coñecemento e visión do alumnado de infantil do patrimonio do seu contorno. Analízanse os resultados acerca do seu coñecemento e téntase transmitir a visión que teñen, por medio dos seus debuxos e das súas descricións.