Solución ás inundacións en época de choivas no entorno de Lourenzá (Lugo)

Abstract

Este anteproxecto consiste na definición das obras necesarias para dar solución aos problemas de inundacións aos que se encontra sometido o núcleo de Vilanova de Lourenzá (Lugo) durante épocas de fortes choivas, mediante a reducción da zona de fluxo preferente. Para a búsqueda dunha solución óptima, plantexáronse tres tipoloxías de alternativas, dentro das cales se amosa o procedemento seguido ata a consecución dunha alternativa óptima para cada unha: desvío, actuacións augas arriba do núcleo e ensanches. Para a toma de decisión do estudo de alternativas, tivéronse en conta os criterios económico, ambiental, social e técnico. Finalmente, a opción elixida foi a alternativa 3, da tipoloxía 3. A alternativa escollida consiste na realización dun ensanche das marxes do río, cun ancho total de aproximadamente 9 metros, fronte aos 7 que ten na actualidade o río, no tramo máis afectado polas inundacións, de maneira que se consiga mellorar a capacidade hidráulica do río nesa zona. A pesar da notoria reducción da zona de fluxo preferente que se conseguiu con esta actuación, unha serie de vivendas nas proximidades do río seguían a encontrarse afectadas, polo que nunha definición máis precisa da alternativa escollida, proponse ademais a execución dunhas obras de protección que eviten a entrada da auga nas vivendas mencionadas así como nos seus terreos máis próximos. Por último, co obxectivo de solucionar a desnaturalización provocada na zona, plantéxase a realización dunha senda fluvial así como dunha zona axardinada destinada ao uso e desfrute da poboación do municipio.