Educación emocional e resolución de conflitos, proposta de intervención: os Escornabots

Abstract

[Resume] O presente Traballo de Fin de Grao ten como obxectivo principal facer unha contribución sobre a necesidade de incluír a Educación emocional no sistema educativo, así como de visualizar a importancia do traballo da resolución de conflitos no proceso de ensino-aprendizaxe seguindo unha serie de métodos e estratexias. En primeiro lugar aparece recollido un marco teórico onde se versa de dous temas principais: por un lado recóllense algúns aspectos clave vinculados coa educación emocional (tales como a intelixencia emocional, competencias emocionais...), mentres que por outro lado faise fincapé na transcendencia que ten a resolución de conflitos no ámbito escolar e a súa implicación á hora de educar emocionalmente. En segundo lugar e, tomando como punto de partida tres estudos diferentes, realizados a nenos e nenas de primeiro de primaria, levouse a cabo un análise detallado dos mesmos e, por último, aplicouse unha proposta de intervención (actividade con robots), co fin de axudar aos nenos e nenas a mellorar as súas competencias emocionais e saber como reaccionar ante un conflito.