Deseño dun programa de intervención en terapia ocupacional nas áreas de educación e traballo no ámbito da saúde mental

Abstract

[Resumen] Introdución: o comezo da enfermidade mental en idades temperás produce nas persoas alteracións nas áreas de educación e traballo. Obxectivo principal: Desenvolver un programa de intervención para facilitar a recuperación das habilidades necesarias para retornar ao ámbito educativo e laboral nas persoas que presentan unha enfermidade mental. Metodoloxía: O estudo realizouse desde unha perspectiva cualitativa. Participaron na investigación sete usuarios do Hospital de Día de Psiquiatría. Os datos obtivéronse da revisión das historias clínicas, reunión coa traballadora social, entrevistas semiestruturadas e observación directa do participante. Resultados: As persoas do Hospital de Día de Psiquiatría de Oza presentan interrupción nas áreas de educación e traballo e mostran interese por recuperar as habilidades necesarias para volver a estudar e exercer un traballo. Os resultados son obtidos a través dun cuestionario de satisfacción. Conclusións: A recuperación destas áreas é importante para mellorar a calidade de vida do usuario. Considero que é necesario para a profesión e para os usuarios continuar investigando nestas áreas para aumentar os escasos estudos publicados e para a integración social do doente.