Perspectivas da transición ecolóxica en Galicia

Abstract

[Resumo] O proceso de transición ecolóxica (e a súa derivada máis importante, a enerxética) ten como fin inequívoco a substitución de fontes de enerxía derivadas de combustibles fósiles por renovables. Neste contexto, Galicia podería definirse coma un hub enerxético, onde se poderían desenvolver diversas actividades xestionadas por distintos operadores económicos, tanto públicos como privados. Para ese efecto, sería preciso redefinir os compromisos por alcanzar; cifrar os sistemas de xestión máis sostibles, resilientes e climaticamente neutrais; aproveitar as oportunidades que ofrecen os distintos sectores; basearse nunha xestión adecuada no concernente aos diferentes usos e ás actividades que nelas se desenvolven e asegurar que os obxectivos sociais, económicos e ambientais se logren de maneira eficiente, segura e sostible. Esta análise presenta obxectivos, principios e instrumentos para que Galicia acometa con decisión unha planificación estratéxica respecto á consecución dos obxectivos fixados pola UE e o Goberno español nesta materia (no horizonte 2030 e 2050), porque lle afectan moi especialmente: dispón dos recursos naturais necesarios para ofertar abundantes fontes enerxéticas alternativas necesarias para propiciar a descarbonización. A presente achega, elaborada dentro dun contexto moi cambiante que non se pode obviar, trata de se aproximar a esta realidade, situar o estado da cuestión no que á comunidade galega se refire e tratar de se achegar a un previsible escenario futuro.