O estudo dos seres vivos no seu medio: análise dunha proposta de ensinanza e aprendizaxe

Abstract

[Resumo] O ensino e aprendizaxe das ciencias naturais comprende unha variedade de coñecementos, conceptos e actitudes que son asimilados polo alumnado ao longo da etapa educativa. A introdución destes aspectos no contexto educativo require dunha síntese pormenorizada das ideas que sosteñen os estudantes, para deseñar unha proposta de actividades que favoreza a construción progresiva dos esquemas de coñecemento. Neste traballo articúlase unha investigación ao redor dos resultados obtidos nunha proposta didáctica innovadora. Este estudo ofrece unha visión das concepción que vai adquirindo o alumnado de 2.º de primaria, sobre o concepto de ser vivo. Ademais, inclúense as reflexións e suxestións didácticas necesarias coa finalidade de enriquecer a proposta desenvolta, a cal tenta motivar o desenvolvemento da competencia científica.