A patria potestade e as consecuencias xurídico-civís nos supostos de violencia de xénero

Abstract

[Resumo] Este traballo ten como finalidade estudar a evolución normativa e xurisprudencial da violencia de xénero e a súa afección aos menores, sendo recoñecidos estes como vítimas directas da mesma. En primeiro lugar, faise unha revisión da figura patria potestade, analizando o seu exercicio e as distintas formas nas que pode cesar ou limitar esta figura, ca característica común de que será sempre en atención ao interese superior do menor. En segundo lugar, trátase o marco normativo, tanto nacional como internacional, da violencia de xénero, facendo especial referencia a violencia vicaria. Ademais, analízase a figura dos órganos xudiciais especializados en materia de violencia de xénero, atendendo á súa competencia e ao seu funcionamento. Así mesmo, estúdanse as medidas urxentes previstas no artigo 158 CC, a orde de protección e as medidas establecidas na Lei Orgánica de Medidas de Protección Integral contra a Violencia de Xénero. Finalmente, analízase a incidencia da violencia de xénero no exercicio da patria potestade, podendo dar lugar á súa privación ou suspensión. Así mesmo, estúdanse as medidas civís vinculadas a esta situación, con especial énfase na atribución da garda e custodia e no establecemento do réxime de visitas.