Guía de boas prácticas de aprendizaxe e servizo na Universidade da Coruña. Vol. 2

Abstract

[Resumo] A nosa proposta é a aprendizaxe-servizo cun enfoque de xustiza social, como unha forma de traspasar os muros da universidade conectando a teoría coa práctica e mellorando as aprendizaxes, pero, tamén (e fundamentalmente), conectando coa comunidade e as súas necesidades, e contribuíndo á mellora da sociedade e da vida das persoas máis vulnerables. Todas as actividades de aprendizaxe-servizo, independientemente do seu deseño, vinculación curricular e obxectivos, implican unha interacción complexa de estudantes, actividades de servizo, contidos curriculares e resultados da aprendizaxe. O resultado desta complexidade son experiencias idiosincráticas e contextuais, cunha ampla variedade de elementos que as compoñen. As Guías de Boas Prácticas de Aprendizaxe-Servizo na Universidade da Coruña son un bo reflexo desta riqueza e diversidade. A presente publicación contén un total de 22 proxectos presentados na convocatoria de 2019 e 27 proxectos da convocatoria de 2020.