A sociedade do risco ante os incendios forestais

Abstract

[Resumo] A gravidade dos danos socioeconómicos, políticos e ecolóxicos causados cada ano polos incendios forestais esixe que as ciencias sociais participen na análise e a definición dos plans de acción para reducir o risco de catástrofes (RRD). A pesar dos esforzos realizados para incorporar mecanismos participativos na gobernanza do risco, gran parte da investigaciónsobre redución do risco de desastres no mundo académico lévase a cabo baixo o modelo do déficit. Este capítulo propón unha revisión dos estudos sociais sobre o risco desde os que analizar o seguimento dos incendios forestais en Galicia e dos plans e as políticas para a súa xestión. A análise realizada pon de manifesto a necesidade de reforzar a gobernanza social a nivel local, de equilibrar os recursos dedicados ás tres fases de prevención, extinción e recuperación, e avanzar en plans integrais de xestión do territorio que teñan en conta os factores socioeconómicos.