A imaxe de Galiza na emigración

Abstract

[Resumo] A emigración de masas que expulsou, de Galiza cara a América, a centos de miles de persoas entre finais do século XIX e principios do XX contribuíu a reformular todo un catálogo de imaxes do país entre as colectividades galegas emigrantes. Algunhas delas aliméntanse de estereotipos e tópicos, emitidas basicamente polos grupos máis evoluídos económica e culturalmente. Porén, existiron outras imaxes, moito máis realistas e acedas, que desenvolveron os sectores sociais e humanos máis desfavorecidos: o proletariado, as mulleres... A cabalo de ambas as dúas, apareceron as imaxes máis ideoloxizadas, patrocinadas fundamentalmente polos grupos vinculados ao galeguismo e/ou ao nacionalismo.