Estimador presuavizado da probabilidade de cura en modelos de curación

Abstract

[Resumo]: A análise de supervivencia estuda o tempo até un evento de interese tal como é a morte, asumindo que todos os individuos van pasar por ese suceso. Existe o caso de que non todos os individuos sufran o evento e esta condicionante deu lugar á subrama coñecida como modelos de curación, onde unha parte dos individuos experimentará o evento e a outra nunca o chega a padecer. O presuavizado é unha técnica que mellora a eficiencia das estimacións non paramétricas en análise de supervivencia e, polo tanto, espérase una mellora nas estimacións non paramétricas das funcións de interese nun modelo de curación. A presuavización depende dun parámetro de suavización, ou xanela, que é preciso escoller adecuadamente. Na orde de estudar o efecto de presuavizar a estimación da probabilidade de cura nun modelo de curación, así como co fin de escoller o mellor selector da xanela, realizouse un estudo de simulacións. Finalmente, a metodoloxía estudada aplicouse a un conxunto de datos de cancro de mama no que se puido observar como o presuavizado é unha técnica a ter en conta á hora de empregar modelos de curación de tipo Mixture.