Análise de consumo enerxético mediante tecnoloxías IoT

Abstract

[Resumo] A importancia da eficiencia enerxética e da sustentabilidade dos recursos na sociedade actual non é discutible. O consumo responsable dos recursos enerxéticos condiciona a economía, o desenvolvemento tecnolóxico e a cuestión medioambiental a nivel global. Cun enfoque máis concreto, falando de espazos de traballo e residencia, o confort dos individuos vese afectado polas condicións ambientais nas que se atopan, que están directamente relacionadas co uso dos elementos de iluminación e climatización, entre outros. É dicir, elementos que fan uso da enerxía eléctrica. Establecer unhas condicións de confort no ambiente, á vez que se reducen os gastos innecesarios de enerxía, son dous dos obxectivos do movemento smart building e dos “ambientes intelixentes”. Estas correntes tecnolóxicas pretenden mellorar a estancia dos individuos e favorecer o desenvolvemento das actividades que en eles se levan a cabo, facendo un uso responsable dos recursos segundo as necesidades e preferencias dos usuarios. Esta tese recolle estos obxectivos mediante a realización dunha solución de smart lab de baixo custo no Laboratorio de Investigación e Innovación (L2I) do CeDRI (Research Centre in Digitalization and Intelligent Robotics) do Instituto Politécnico de Bragança. Búscase mellorar as condicións de traballo e, simultaneamente, fomentar o uso ético e sustentable dos recursos enerxéticos dos que se dispón neste lugar (iluminación, sistemas de aire acondicionado e quencemento, por exemplo). Desenvólvese un sistema de monitorización e control no laboratorio baseado en tecnoloxías IoT (Internet of Things.) low cost. Unha rede de sete módulos formados por sensores é deseñada e distribuida no espazo, co obxectivo de captar información relativa ás condicións ambientais e ao estado do entorno. Esta información é almacenada nunha base de datos de InfluxDB e utilizada polo framework Grafana para a visualización gráfica da mesma e a toma de decisións relativas á eficiencia enerxética. O sistema deseñado é utilizado para a xestión dos recursos de iluminación, ventilación, calefacción e aire acondicionado do laboratorio mediante un sistema de alertas e avisos aos usuarios. Estas alertas establecen indicacións aos individuos de posibles medidas a tomar para para realizar un uso máis eficiente da enerxía, evitar desperdicios innecesarios e incrementar o confort.