Creación de empresas e iniciativa emprendedora. Elaboración dun plan de empresa

Abstract

[Resumo executivo] Como se adaptaron os sectores máis castigados pola crise da covid? Os sectores máis afectados por esta recente crise son a hostalaría, o comercio, o turismo e a automoción. As solucións non valen para todos estes sectores, pero as empresas que se están a recuperar é porque empregan ferramentas como a dixitalización e a venta online. Que se debe facer no sector da hostalaría para asegurar a continuidade do negocio? A hostalaría veu como no último ano pecharon 100.000 establecementos e se perderon 300.000 empregos. O camiño para a supervivencia no sector pasa pola dixitalización, que supón maior eficiencia e diferenciación respecto a competencia. Os locais hostaleiros poden diversificarse ao ofrecer comida para levar ou un servizo a domicilio. Cales son as tendencias gastronómicas actuais? O 25 % dos consumidores europeos modificaron a súa dieta nos últimos 3 anos, para enfocar as súas prioridades na saúde e a sostibilidade. As algas, sostibles e ricas en nutrientes como minerais, antioxidantes, calcio e vitaminas, son consideradas como un dos alimentos do futuro. O veganismo é unha tendencia que leva anos presente, pero estamos vendo como agora gaña mais forza. Ademais dos motivos morais e de saúde, tamén se está a incrementar o número de adeptos polo feito do impacto ambiental que ten a carne. Prevese que o mercado global da comida vegana medre a unha taxa do 9 % entre 2021 e 2026. En canto a alimentos concretos, algúns dos que van a gañar forza nos fogares e restaurantes en 2021 son: xenxibre, chocolate, polo, carne vexetal, jackfruit e bols. En consecuencia do auxe da comida para levar e a domicilio, tamén se está a incrementar a preocupación polos envases nos que se serve, que deben ser biodegradables e reutilizables. En que consiste Pick & Poke? Pick & Poke consiste nun negocio de comida para levar cun pequeno aforo para comer no local. Empregando a nosa app ou ben achegándose aos puntos de cobro automáticos do local os nosos clientes poden encargar e pagar o seu pedido, sen contacto social. Os pratos que servimos son os pokes: unha elaboración hawaiana que consiste nunha base de arroz/quinoa e pescado cru/tofu combinados con verduras, froitas, sementes e froitos secos. Como gañaremos diñeiro? Localizándonos nunha rúa moi transitada de Santiago de Compostela, a rúa do Franco é un punto de paso constante tanto de universitarios coma de turistas. Na zona vella desta cidade xa son coñecidos os pokes, ao contar con 4 locais máis que os serven pero que, sen embargo, non están especializados neste prato. O que buscamos é dar un servizo de comida para levar rápido e eficiente, combinando as novas tecnoloxías da nosa app e dos puntos de venta automáticos, co feito de que os pokes son un prato dunha elaboración rápida por servirse fríos ou crús todos os seus ingredientes (previamente cortados e preparados). En canto tempo se chegará ao punto morto? Que resultados económicos obteremos? A previsión é que o primeiro ano o proxecto manterase por debaixo do punto morto, xa que terá perdas. Dende o segundo ano xa se logra superar o punto morto e haberá beneficios, que medrarán de 4.769,32 € no segundo ano a 44.634,35 e no quinto ano. Cal é o equipo necesario para levalo a cabo? Para levar a cabo a proxecto, o equipo humano que precisamos é un cociñeiro e un axudante de cociña, ademais da dedicación dos dous socios fundadores. A vantaxe de ter un punto de venta automático é que o persoal pode dedicarse a elaborar os bowls sen ter que empregar tempo en cobrar aos clientes. Ademais, ao ser un prato no que a maioría dos ingredientes están crús (salvo o arroz e a quinoa), pódese elaborar rapidamente en canto saia a comanda. En canto ao equipo material, necesitaranse electrodomésticos de cociña como conxelador, frigoríficos, mobles de exposición refrixerados, fervedor de arroz e batidora, ademais de diversos utensilios de cociña para cortar os produtos. Por que creemos que terá éxito? Creemos que Pick & Poke é un proxecto que pode ter éxito por varios motivos. O primeiro é aproveitar unha tendencia gastronómica que se está a estender actualmente. Nas cidades galegas mais poboadas, A Coruña e Vigo, xa hai varios restaurantes dedicados exclusivamente a pokes. Santiago de Compostela conta con 7 locais que os serven, pero ningún está especializado no prato. Tamén cremos que teremos éxito polos cambios no consumo, que tenden cara a produtos saudables e sostibles coma os nosos pokes, compostos principalmente por froitas e verduras ecolóxicas. Tamén respondemos a demanda crecente polas opcións veganas. Á marxe das características do produto, pretendemos adaptarnos ao tipo de servizo que se está a demandar actualmente: a comida para levar, servida en envases de plástico de orixe vexetal PLA, biodegradables e compostables.