A viva voz!: proposta didáctica para o fortalecemento da lingua galega nas escolas rurais

Abstract

[Resumo] O presente Traballo de Fin de Grao ten como obxectivo principal crear unha proposta de normalización e, sobre todo, valorización, da lingua galega en contornos galegofalantes. Para iso, pártese da análise sobre a situación actual do galego, prestando atención aos prexuízos que ocasionan a perda de falantes, especialmente, entre as novas xeracións, o que fai que a lingua corra o risco de desaparecer e, con ela, gran parte da cultura e identidade do pobo galego: o noso patrimonio inmaterial. Así pois, dende unha perspectiva innovadora, creouse un proxecto destinado ao alumnado de Educación Infantil dun contorno galegofalante rural, que pretende dar á lingua e ao rural o prestixio que merecen. O alumnado, xunto coas súas familias e a veciñanza, serán os protagonistas dunha serie de actividades lúdicas, dinámicas e culturais nas que colaborarán entre todos/as eles/as para aprender e desfrutar do potencial do contorno que os rodea á vez que reivindican que pódese, débese e quérese falar en galego.