A educación infantil e primaria en Galicia: o papel das escolas unitarias

Abstract

[Resumo] Se temos que cualificar a historia da educación dos dous últimos séculos no estado español, poderiamos dicir, simplificando, que o xix caracterizouse polos avances no proceso de alfabetización e o xx no da escolarización. Tanto é así que, nacendo a escola pública a inicios do xix, e considerando o progreso cara a plena escolarización na etapa obrigatoria coa Ley General de Educación (LGE) só chega a acadar o seu carácter universal como dereito constitucional (1978), a finais do xx coa promulgación da LOGSE en 1990. E a escola unitaria vai ser ata entrados os anos 1970, cando se implante a LGE, o principal instrumento de articulación do ensino primario neste longo, lento e tortuoso proceso organizativo, lexislativo e administrativo.