Do conto tradicional ao álbum ilustrado: análise da colección "Os contos do trasno"

Abstract

[Resumo] Os contos tradicionais foron utilizados, dende tempos inmemoriais, para educar nos valores da época, como a tolerancia, a colaboración, o amor e o esforzo. Mais, a vaga de pensamento feminista provocou o seu cuestionamento, dado que algúns dos valores destas historias poden considerarse arcaicos, machistas e discriminatorios. No presente traballo, levarase a cabo unha análise sobre os álbums ilustrados que chegan actualmente á infancia, pertencentes á colección Os contos do trasno de Kalandraka. Esta editora pretende poñer en valor este tipo de contos e promover a súa difusión como patrimonio cultural. Ademais de estar escritos en lingua galega para a normalización do idioma. Por estes motivos decidiuse analizar as modificacións da colección comparándoas cos relatos da tradición oral a través de diferentes aspectos relevantes como: a clasificación tipolóxica dos contos de tradición oral, a representación do xénero tanto no texto e nas ilustracións, tanto nos roles como na caracterización, identificación e análise dos posibles elementos de modernización do mundo representado nos álbums e análise da presenza e a representación dos adversarios/as.