Análise comparativa de técnicas de control sobre planta de laboratorio de control de nivel

Abstract

O obxecto principal deste traballo fin de grao é levar a cabo a comparativa de diferentes técnicas de control, dende as máis tradicionais, a algunhas das propostas máis recentes. Ditas técnicas serán estudadas sobre unha planta de laboratorio de control de nivel simple situada no Laboratorio de Optimización e Control da Escola Universitaria Politécnica de Ferrol (UDC). A programación das técnicas de control efectuarase en ámbito Matlab. Trataranse tanto o control PID que, a pesar do desenvolvemento da tecnoloxía dixital e da teoría de control, segue sendo o cabalo de batalla principal das aplicacións de control industrial, como algúns dos métodos máis actuais, tales como o control adaptativo ou o control adaptaivo predictivo baseado en modelo inverso, que requirirán ser capaces de identificar a función de transferencia da planta tanto de forma directa como de forma inversa. Para isto último empregaranse métodos de identificación en tempo real tales como os mínimos cadrados recursivos ou un algoritmo de aprendizaxe en liña baseado nunha rede neuronal.