Predominio das lesións en nocello e pé en atletas en probas de velocidade e salto

Abstract

[Resumo] O presente estudo pretende determinar cales son as lesións máis comúns en velocistas, saltadores de lonxitude e triplo e corredores de valados, comprobando se existen diferenzas entre eles 1.2.- Metodoloxía Estudo observacional transversal de prevalencia no que participaron 54 suxeitos maiores de idade, pertencentes á federación galega de atletismo, que compiten e adestran disciplinas atléticas do sector de velocidade, salto ou valados, dende hai, como mínimo 3 anos. 1.3.- Resultados Presentaban lesións no pé ou nocello o 48,1% dos participantes. A lesión máis frecuente foi a escordadura en inversión, que se presentou nun 17,6% das extremidades, seguida de fascite plantar no 11,1% do total), e atopouse tamén sesamoidite, fracturas de estrés, tendinopatías, atrapamentos nerviosos e roturas de ligamento. 1.4.- Conclusións As lesións predominantes en pé e nocello nos atletas de velocidade, salto e valados son a fascite plantar e a escordadura por inversión. Atopouse unha relación entre as lesións na perna e os distintos sectores de velocidade, salto e valados (sendo os valados o que máis lesións na perna presenta). Non se encontraron máis variables significativas que supuxeran factores de risco.