Violencia simbólica na dirección escolar

Abstract

[RESUMO]Esta comunicación recompila parte dos resultados dun traballo inédito titulado “A dirección escolar en feminino: percepción dos factores que interveñen no acceso e desempeño de postos directivos en centros de ensino secundario” nas que se analizaron, entre outras cuestións, determinadas actitudes vinculadas a prexuízos de xénero coas que as directoras de seis centros de ensinanza media de Galicia se teñen que enfrontar na súa rutina laboral, o cal aumenta a dificultade do seu traballo. Considerouse que o enfoque apropiado para aprender e indagar o máximo posible sobre este fenómeno era o estudo multicaso instrumental (Stake, 2006), grazas ó cal se puido ter un coñecemento directo sobre as súas vivencias no exercicio do seu labor directivo. Adiantándonos ós resultados que se presentarán nas vindeiras liñas, é preciso sinalar que as directoras entrevistadas declararon enfrontarse a unha serie de trabas que a pesar de estar revestidas dun carácter aparentemente inocuo, afianzan as expectativas sobre o que se considera característico de mulleres e varóns á fronte de cargos de responsabilidade