Notas introductorias en torno ás relacións laborais en Roma

Abstract

[Resumo] A través da presente exposición preténdese trazar sinteticamente, nunha visión aproximativa e de conxunto, os riscos máis significativos que, fundamentalmente dende o punto de vista xurídico e social, caracterizaron o fenómeno laboral no mundo romano antigo. O seu contido articúlase, por tanto, cun carácter limitado e simplemente descritivo, sen entrar a valorar en detalle toda unha serie de importantes cuestións de fondo xurdidas na materia que, polo seu interese, ocuparon amplamente e que aínda seguen a ocupar, dende diversos ángulos, a atención da doutrina especializada.